Psixosomatika kursi
Ruhni davolamasdan turib vujudni davolab bo'lmas! "Abu Ali Ibn Sino"
Psixosomatika nima?
Tana og‘rig‘i orqasida ruhingiz yordam so‘rayotgan bo‘lishi mumkin. Psixosomatika - bu tana va ruh orasidagi ko‘rinmas bog‘liqlikni o‘rganadigan soha. Stress, e’tiborsizlik, kechirilmaganlar yoki ichga yutib yurilgan hissiyotlar — bularning barchasi organizmda jismoniy simptomlar sifatida namoyon bo‘lishi mumkin.
Bosh og‘rig‘i / Migren
Sabab: Haddan tashqari javobgarlik, ichki tanqid, o‘zini ayblash.
Ko‘p hollarda bu bosimlarni ichga yutib yurish, o‘zini yomon his qilish natijasida paydo bo‘ladi.
Bo‘yin og‘rig‘i
Sabab: Kechira olmaslik, fikrda qotib qolish, egiluvchanlikning yo‘qligi.
Bu inson boshqalarni tushunishdan bosh tortganda, doimiy “men haqman” deganda yuzaga chiqadi.
Yelka og‘rig‘i
Sabab: Og‘ir emotsional yuk, mas’uliyatni yolg‘iz ko‘tarish, yordam so‘ray olmaslik.
Ichki og‘irliklar va boshqalarning muammolarini o‘z bo‘yniga olish bilan bog‘liq bo‘ladi.
Bel og‘rig‘i (pastki qism)
Sabab: Moliyaviy xavotir, tayanch yo‘qligi hissi, hayotda “biror narsaga suyanolmaslik” holati.
Odatda inson o‘zini yolg‘iz, himoyasiz his qilganida paydo bo‘ladi.
Yurak siqilishi / aritmiya
Sabab: Muhabbat yetishmovchiligi, bosim ostida yashash, doimiy qo‘rquv.
Yurak — hissiyot markazi. Uni yopiqlik va sovuqlik qiynaydi.
Oshqozon muammolari
Sabab: Qayg‘u, hafsalasi pir bo‘lish, hayotni “hazm qila olmaslik”.
Tashvishli voqealarni ichga yutish, o‘zini bosib yurish bilan bog‘liq.
Ichak muammolari
Sabab: Hozirgi hayotni qabul qilmaslik, o‘zgarishlardan qo‘rquv.
“Hayot oqimiga” qarshi kurashish holatida yuzaga chiqadi.
Tomoq og‘rig‘i / ovoz yo‘qolishi
Sabab: O‘z fikrini ayta olmaslik, g‘azabni yutib yurish, norozilikni yashirish.
Ko‘p hollarda “gapirmasam yaxshi bo‘ladi” degan ichki qaror bilan bog‘liq bo‘ladi.
Teri muammolari (ekzema, psoriaz)
Sabab: O‘zini yoqtirmaslik, ichki uyalish, himoyasizlik.
Ko‘pincha inson o‘z tanasini qabul qilmaydi yoki o‘zini “iflos” deb his qiladi.
Astma / nafas qisilishi
Sabab: Erkinlik yetishmasligi, siquvchanlik, ortiqcha nazorat.
Astma nafaqat jismoniy, balki ruhiy erkinlikning yo‘qligini ham ifodalaydi.
Tizza og‘rig‘i
Sabab: Kibr, qaysarlik, hayot oldida egila olmaslik.
Bu inson o‘zini juda muhim his qilganda, boshqalarni eshitishni istamaganda paydo bo‘ladi.
Tirnoq tishlash (bolalarda va kattalarda)
Sabab: Ichki asabiylik, o‘zini jazolash ehtiyoji, xavotir.
Ko‘pincha bosim ostida ulg‘aygan bolalar yoki o‘zidan ko‘ngli to‘lmagan kattalarda uchraydi.
Ko‘z kasalliklari (yallig‘lanish, ko‘rish muammosi)
Sabab: Hayotning haqiqatlarini ko‘rishni istamaslik, yuzlanishni rad etish.
“Ko‘rgim kelmaydi” degan ichki norozilik jismoniy ko‘rishda aks etadi.
Quloq og‘rig‘i / eshitmaslik
Sabab: Haqiqatni eshitishni istamaslik, tanqidni rad etish.
“Boshqalarni eshitish og‘riqli” degan ichki qaror bunga sabab bo‘ladi.
Tish bilan bog‘liq muammolar
Sabab: Qaror qabul qilishda qo‘rquv, asabiylik, ichki qarama-qarshilik.
Tishlar – qaror va kuch ramzi. Noaniqlik ularni zaiflashtiradi.
Tana harorati ko‘tarilishi
Sabab: Ichki g‘azab, norozilik, tan olinmaslik hissi.
“Ichimda yonib turaman” degan holat fizika darajasiga o‘tadi.
Siydik muammolari
Sabab: Nazoratni yo‘qotishdan qo‘rqish, ruhiy iztirob, xavfsizlik yetishmasligi.
Ko‘p hollarda bolalikda psixotravma bo‘lgan odamlarda uchraydi.
Hayz sikli buzilishi
Sabab: Ayollikni rad etish, o‘z tanasidan norozilik, stress.
Bu o‘z tabiatiga qarshi ichki kurash bo‘lishi mumkin.
Tuxumdon / bachadon kasalliklari
Sabab: Ayollik energiyasini to‘sish, ayblanish hissi, qabul qilinmaslik.
Ko‘pincha jinsiylik, munosabatlar va ona bo‘lish bilan bog‘liq psixik ziddiyatlar yotadi.
Qo‘l yoki oyoq titrashi
Sabab: Xavotir, o‘zini tutib turolmaslik, nazoratni yo‘qotish qo‘rquvi.
Jismoniy titrash orqali ichki beqarorlik signal beradi.
Tana og‘irligi
Sabab: Hayotdan zavqlanmaslik, majburiyat ostida yashash, ichki qarshilik.
Odatda inson o‘zini zo‘rlab harakatga keltirayotganda tana “og‘irlashadi”.
Orqa taraf og‘rig‘i
Sabab: Barqarorlik, ishonch, tayanch yetishmasligi.
Tashqi muammolarni hal qilib bo‘lmasligi organizmga og‘riq bilan signal beradi.
Og‘iz qurishi
Sabab: Ishonchsizlik, qo‘rquv, hayajon.
Ko‘pincha o‘z fikrini aytishga jur’at etmaslikda namoyon bo‘ladi.
Tuyg‘ularni sezmaslik
Sabab: Bolalikdagi travmalar, himoya mexanizmi sifatida o‘zini yopish.
Bu “og‘riqni his qilmaslik uchun hissiyotlardan uzilish” usulidir.
Tilni tishlab olish
Sabab: O‘zini tiyib yashash, fikr bildirishdan cho‘chish, ichki repressiya.
“Gapirmasam, tinchlik bo‘ladi” degan munosabat.
Qorinning doimiy shishishi
Sabab: Emotsiyalarni hazm qila olmaslik, ichki bosim.
Bu ko‘pincha xavotir va o‘ziga nisbatan norozilikda yuzaga chiqadi.
Yuzdagi husnbuzar
Sabab: O‘zini yoqtirmaslik, ichki g‘azab, o‘z qadrini yo‘qotish.
Bu “ichki ifloslik” hissining tashqi aksidir.
Tirnoq, soch to‘kilishi
Sabab: O‘zini befoyda, nazoratsiz his qilish, kuchsizman degan ishonch.
“Hayot ustidan nazoratim yo‘q” degan ichki holat ko‘p bo‘lsa, tana ham bunga javob beradi.
Bo‘yin shamollashi
Sabab: Hayotning o‘zgarishiga qarshilik, moslashishni xohlamaslik.
“Qattiq bo‘lish kerak” degan fikr tanani muzdek qiladi.
Tana qismlarining uyushishi
Sabab: Emotsiyalarni ochiq ifoda etolmaslik, qo‘rquv, ruhiy beqarorlik.
Odatda katta stressdan keyin chiqadigan signal holatidir.
Psixosomatika qanday yordam beradi?
- ✔️ Ichki ziddiyatlarni aniqlash va yechish orqali og‘riqni kamaytiradi
- ✔️ Tanani emas, sababni davolaydi
- ✔️ Stressga barqarorlikni oshiradi
- ✔️ O‘zini anglash orqali sog‘liqni tiklaydi
